Pangbatu sa Gutom

Mayor Arnold Perez of Pilar, Capiz

Tinguhaon nga magbalik sa legal nga paagi sang pangisda ang pumuloyu sa katunggan.

Buligan sang binhi, abono kag mga gamit ang magagmay nga mangunguma samtang padayon ang COVID-19 pandemic.

Si Mayor Arnold Perez sang Pilar, Capiz nagtumod sining duha ka paagi nga ginapatuman sang gobierno lokal sa masunod nga binulan agud batuan ang gutom kag pigado nga pangabuhi.

“Daw akig ang kadunaan sa aton nga indi ta mahangpan,” siling ni Mayor Perez sa hinun-anon sang HilwayNews.

Gintamod sang alkalde ang alagisod nga kalamidad sa Capiz katulad sang mabaskog nga hangin kag baha nga dala sang bagyo Ursulla sa hingapusan nga inadlaw sang 2019.

Ang pagbaha nagresulta man sing malawig nga pagkadula sang kuryente sa una nga senimana sang 2020.

Nadalman pa gid ang pag-iwat sa kabuhian sang ginpatuman ang pagsira sang mga dulonan sumugod Marso sining tuig bangod sa paglapta sang COVID-19.

Ang Pilar isa sang nagapanguna nga mga banwa sang Capiz nga may madamu sang ginatawag “ROF” (returning overseas Filipinos).

Luwas sa mga bulig sa mangunguma kag mangingisda, plano ni Mayor Perez ang pagtukod sang mas daku nga balakwitan bilang pangaman sa maabot pa nga mga kalamidad.

Si Mayor Arnold Perez una nga nangin alkalde sa Pilar sang 1992-1995.

Sia nangin bise alkalde 2001-2004, konsehal 2007-2013, bise alkalde 2013-2019, kag liwat nangin alkalde pagligad sang 2019 nga piniliay.*

Leave a Reply

Your email address will not be published.