Marina nagsikway pagpalawig byahe pumpboats sa Guimaras kag Iloilo

fiberglass pumpboats in guimaras

“Dili na pagtugotan ang byahe pamasahero sugod Enero 1, 2021.”

Matapos na ang lisensya sa pagbyahe sang dumaan nga “pumpboats” ukon motorbancas nga himu sa kahoy karon nga Desiembre 31, 2020.

Ginsikway sang Maritime Industry Authority (Marina) ang hingyu sang Buenavista Motorbanca Owners and Sailors Association (BAMOSA) agud palawigon ang ila Certificate of Public Convenience and Necessity (CPCN).

Si Neri C. Tijing Jr., presidente sang BAMOSA nagpahayag kaina sa interview sang Bombo Radyo Iloilo nga ang ila CPCN una natapos sang nagligad nga Enero 20, 2020.

Gintugotan ini tubtub Septiembre 8, kag ginpalawig pa gid asta Desiembre 31, 2020. Kon madumduman ginmandu sang gobierno ang pagmoderno sing de-pasahero nga mga sakayan dagat kag sa mga dalanon.

Ang pagpatuman sa bag-o nga pagsulondan segurado magaresulta sing kakulang sang sakayan de-pasahero sa maabot nga binulan, sunu kay Tijing.
Sa Buenavista – Parola 5 lang ka bag-o (fiberglass reinforced, steel hulled) nga sakayan ang magabyahe: 2 sang BAMOSA, 2 sang BDC (kooperatiba) kag 1 sang Yuhan, paathag ni Neri Tijing.

Antes sa COVID-19 pandemic ginreport nga may kapin 15,000 ka mga pasahero sa Guimaras kag Iloilo kada adlaw.*

Leave a Reply

Your email address will not be published. Required fields are marked *