“KA-DELIKADO NA”: PAHAYAG NI ENGR. MAVI GUSTILO, ANGOT SA GABUK NGA LOCSIN COSCOLLUELA BUILDING SA IZNART
Nangin sentro sang pagkabalaka ang posibilidad nga masundan pa ang pagkahulog sing tinipik nga semento kag nagakapalos nga mga bahin sang Locsin-Coscolluela building, nahamtang sa ginsang-an sang Iznart kag Ledesma streets, Iloilo city proper.
Sunu kay Engr. Mavi Gustilo, city building official nagpahibalo na sa iya opisina ang tinugyanan sang mga tag-iya sining tinukod (building) nga maga-apply sila para gub-on na ini.
Ang Locsin-Coscolluela building gintukod pa sang 1920, siling ni Engr. Mavi Gustilo sa interview sang Martes ni Joel Franco sang RMN Iloilo city hall beat.
Ginsugid man ni Gustilo nga padayon ang ila “structural assessment” sang mga building sa magkatuhay nga bahin sang siudad, sandig sa mandu sang alkalde.
“So far, may gin-usisa na nga 35 ka buildings diri sa Iznart, Ledesma kag part sang JM Basa kag apat sini ang nakit-an nga kinahanglan gid sang structural assessment,” sunu kay Engr. Gustilo. (H)
