Si Jofel Soldevilla, ang ginpahalin sing nagligad nga tuig sang Ombudsman nga alkalde sa banwa sang Zarraga, Iloilo napaslawan sing damlag lang sa iya “Motion for Reconsideration” agud baliskaron ang pamatbat nga nagkakas sa iya bilang Mayor.
Kon madumduman si Soldevilla kag ang Zarraga vice mayor, si Michael Lacson dungan ginpahalin sa pwesto bangud sa paglapas sang Anti-graft and Corrupt Practices Act (RA 3019).
Ang kaso ginpasaka sa Ombudsman sing sadto konsehal sa Zarraga, si Andre Sumagaysay, makaligad nga ginpatuman ni Soldevilla ang pagbakal sang banwa sing duta nga iya sang pamilya ni Lacson.
Ginalauman nga maga-apelar pa si Soldevilla kag Lacson sa mas mataas nga hukmanan.
