Dakpanay tsuper bangod sa face shield

Iloilo City councilor Romel Duron (left) handing out boxes of face masks to Raymundo 'Boyet' Parcon, representing the drivers' associations in Iloilo City.

Ang Land Transportation Office (LTO) magapaiway anay sa pagdakup sang mga tsuper nga wala maskara kag taming sa guya.

Si Atty. Gaudioso Geduspan, LTO assistant regional director ginreport sa lokal nga estasyon sang radyo kaina nga nagpahahayag sining bag-o nga pagsulondan.

Ang report nagsiling nga nagbaylo ang pagtamod sang mga opisyal sa LTO tuhoy sa balaison sang pilit nga pag-usar faceshield samtang nagamaneho salakyan bangod sa reklamo sang mga tsuper.

Sing damlag lang ang mga tsuper nagdala sining reklamo kontra sa LTO enforcers paagi kay konsehal Romel Duron sa Sangguniang Panlungsod sang Iloilo.

Ginpanindugan ni Duron nga ilegal ang pagmulta sang P2,000 sa mga tsuper nga wala nagatakud faceshield. Ang multa ginapatuman sang LTO bilang silot kriminal sandig sa laye kontra “reckless driving.”

Ginpaandaman ni Duron ang LTO enforcers nga dili nagakaigu ang kriminal nga silot sa pagpatuman sang pagsulondan kontra COVID-19.*

Leave a Reply

Your email address will not be published. Required fields are marked *