Nagpaugat sa pagpila sing nagligad nga inadlaw sa pantalan sang Guimaras kag Iloilo ang mga biyahero bangud sa kakulang sing mga sakayan-dagat nga nagabiyahe. Ining kahimtangan ginapaabot nga magapeste sa mga pasahero sa mga masunod pila pa ka adlaw.
Ini ang kaundan sang hinun-anon sing Huwebes, Agusto 20 nga ginpangunahan ni Guimaras Gov. Lucille Nava kag Rep. Rahman Nava upod sa mga opisyal sang Maritime Industry Authority kag Philippine Coast Guard.
Sa dialogue, nahibal-an nga kadam-an sing mga fiber boats ang kinahanglan magpa-renew sing lisensya samtang ang iban nagapatuman sing kinahanglanon nga mga pagkaayo.
Ginatalana nga magahinun-anon man ang opisyales sang Guimaras upod sa tagdumalahan sing mga fiber boats cooperatives bahin sini nga problema. (HilwayNews)
