SIUDAD SANG ILOILO – Pagasabton sang MORE Power ang kutob sing nasamad ukon nahalitan sa pagkatumba sang isa ka poste samtang gintakud sang contractor ang distribution transformer sa “SUPER” ukon Iloilo Terminal Market mga alas tres sing hapon sang Biyernes, Agusto 8.
Magabulig ang MORE Power sa galastuhon agud makaayo ang duha ka baligyaan nga nahalitan, lakip man sa mga manogbaligya nga naagsikan sang langis.
Nagpaathag ang MORE Power nga INDI makahililo (non-toxic) ang nasambit nga transformer oil bangud wala pa ini na energize ukon naga gana.
Gilayon nga ginsuspend (hingalit nga pagpa-untat) sang power company ang kontraktor sa pagtukod sing mga poste samtang padayon ang pag-usisa kag malikawan ang pagsulit sang natabu. (pr)
