Banggi-anay padayon sa Ceres Liner

Ceres bus by Vallacar Transit Inc.

Nagapadayon ang gamo sa Vallacar Transit Inc. (VTI), tagdumala sang mga salakyan Ceres Liner.

Samtang ginakaso sa Korte ang pagdumala sang VTI, ang nagabanggi-anay nga mga katapu sang pamilya Yanson naghiwat sing 2 ka magkatuhay nga “stockholders’ meeting” sang Sabado, Desiembre 5, 2020.

Duha ka grupo ang naga-angkon mayoriya sang VTI, ang ginatawag “Yanson4” ginalakipan sang mag-utod Roy, Ricardo Jr., Celina kag Emily.
Sa pihak nga grupo updanay ang mag-utod Leo Rey kag Ginette, upod ang iloy si Olivia Yanson.

Ang VTI “Yanson4” nagpili kay Ma. Lourdes Celina Yanson Lopez presidente kag board chairman sang ginhiwat ang sinapol sa SEDA Capitol Central Hotel, Bacolod City.

Samtang ang isa ka grupo liwat nagtangdu kay Leo Rey Yanson presidente kag board chairman sang VTI, kag Olivia Yanson secretary-treasurer.

Ang VTI operator sang ‘Ceres Liner’ buses, labing daku nga kompaniya sang mga salakyan sa Pilipinas nga may 4,800 ka mga bus.
Sang 2018 ang VTI nagpahayag sang gross income nga P18-Bilyones.

Leave a Reply

Your email address will not be published.