Padayon ang kampanya sang Guimaras Provincial health office (PHO) sa pagbakuna sing mga kabataan kontra Tipdas kag Rubella, sonu kay Gob. Lucille Nava, sa sinapol sang Provincial health board sing damlag lang.
Ang programa “Ligtas Tipdas MR-SIA 2026” (measles-rubella supplemental immunization and Vitamin A) para sa kabataan nga naga-edad 6 asta 59 ka bulan, kabahin sa pagtinguha nga mapabaskug ang pangapin batuk sa mga balatian nga pwede mapunggan paagi sa pagbakuna nga luwas, epektibo kag libre.
May kadamuon 8,995 nga kabataan ang nabakunahan na tobtub Agusto 25, 2026, sonu sa Guimaras PHO. Ini nagatiglawas sing 54.1% sang kabug-osan nga dapat mabakunahan.
Ginpanugyan sang PHO sa mga ginikanan nga makig-angut sa ila Rural Health Unit ukon Barangay Health Center agud makahingagaw sini nga programa.
