Nangin madinalag-on ang ginpatigayon nga Harvest Festival sang MORE Power kaupod sa Iloilo City agriculturist office, Uswag nursery kag mga mangunguma sang Hibao-an Norte sa Mandurriao, siudad sang Iloilo.
Nagpatubas sing sobra 90 ka kilo sang preska nga utanon gikan sa libre nga mga binhi nga ginhatag sang MORE Power sa City agriculturist office – kabahin sa selebrasyon sang kompaniya sa ika-lima ka tuig nga pagserbisyo sa mga Ilonggo.
“MORE Power is more than just a power distribution company—it strives to support and uplift the farmers of Iloilo City. Our advocacy to help food producers is strengthened by strong partnerships like this,” sunu kay Iñigo Garingalao, department head sang City agriculture office.
