Nagpirma sa kasugtanan sing damlag lang sa Metro Manila ang mga tiglawas sang Primelectric Holdings Inc. kag ACWA Power nga kompaniya sa Saudi Arabia agud tun-an ang dugang nga pag-usar sang renewable energy sa Panay, Negros kag Palawan.
“This partnership comes at a critical time as our regions require more resilient, reliable, and affordable power sources. Through this collaboration, we aim to explore projects that will stabilize power supply and harness the abundant renewable resources in the Visayas and Palawan.” pahayag ni Roel Castro, Presidente sang Primelectric.
Si Presidente Roel Castro sang Primelectric kag Thomas Brostrom, Chief Investment and Development Officer sang ACWA Power amo ang nagpirma sa Joint Study Agreement bilang tiglawas sang ila natungdan nga kompaniya.
Ang Primelectric, holding company sang MORE Power sa Iloilo kag Negros Power sa Central Negros. Samtang ang ACWA Power kilala sa patag sang power generation kag desalinated water solutions nga naga-operate sa 14 ka mga pungsod.
