Ang “articles of impeachment” kontra kay VP Sara Duterte ginadumilian sang ginabansagan “one year rule,” siling sang Korte Suprema ukon Supreme Court (SC).
Si Atty. Camille Ting, taghambal sang SC nagpahayag nga ang Senado dili makapadayon sa pagbista sang impeachment gikan sa Kamara de Representante (House of Representatives).
Ginsiling ni Ting nga ang tatlo ka impeachment complaints ginakabig nga gindula na kag wala sing bag-o nga reklamo nga pagabatunon antes Pebrero 6, 2026.
Isa ka tingub nga pamat-ud (unanimous decision) ang ginpahayag sang bilog (en banc) nga SC kag ipatuman gilayon. Ginpaathag ni Ting nga wala ginhilway sang SC si VP Sara Duterte sa iya mga salabton.
“The SC stressed the reason for declaring the articles of impeachment null and void is the one year bar against the 4th impeachment complaint.”
