METRO MANILA — “Ang mga konsumidor sang kuryente maghula-hulat lang kay may pagbahar sa presyo sang elektrisidad,” pahayag ni OIC Secretary Sharon Garin sang Department of Energy (DOE) karon nga adlaw Biernes, Hunyo 13, 2025.
Updanay nga ginhiwat ni Garin kag outgoing DOE Sec. Raphael Lotilla ang press conference, isa ka semana antes magpongku si Lotilla nga tiglikum sang Department of Environment and Natural Resources (DENR).
Gintumod ni Garin ang mga programa kag pagsulondan nga ginpatuman ni Lotilla samtang nagapamonu sa DOE agud mapatuman ang ginapaabot nga pagbahar sa presyo kag ang seguridad sa suplay sang kuryente sa kadam-an nga parte sang pungsod.
Kon madumduman, sing damlag lang ginpuntariya ni Presidente Marcos Jr. ang pagka-lawlaw sang serbisyo kuryente sa Syquijor nga ginadumalahan sang kompaniya sing pamilya Villar.
