Ang Memorandum of Agreement (MOA) ginpirmahan sing damlag lang sa tunga sang MORE Electric and Power Corp. (MORE Power) kag Electro Premier Venture International Inc. (EPVII) agud ipatuman ang pilot project “Advanced Metering Infrastructure (AMI) System sa gintumod nga mga konsumidor sa siudad sang Iloilo.
Si Roel Z. Castro, Presidente kag CEO sang MORE Power, kag Atty. Rica Gatchalian, Presidente sang EPVII, nagpirma bilang tiglawas sing ila natungdan nga kompaniya.
Sandig sa MOA ang EPVII amo ang magatukod sang “end to end AMI Systems” pilot project nga nagalakip sang 90 ka Single-phase Smart Meters sa residential consumers, kag 10 ka Three-phase Smart Meters para sa commercial consumers.
Wala sing balayran ang mga konsumidor sa pagpatuman sang AMI Systems pilot project nga ginalauman maka-pahapos sa pagmonitor sang ila konsumo sa kuryente. (pr)
