Naangot na sa elektrisidad ang 2 ka isla nga mga barangay sang ginhiwat sing Hwebes, Mayo 8 ang seremoniya sa pagpasiga sang Panubulon – Guiwanon Interconnection project.
Ang Guimaras Electric Cooperative (GUIMELCO) sa pagdumala ni GM Shirley Laurente nagpahamtang sang three-phase 15 kilovolts submarine cable gikan sa Barangay Cabalagnan padulong sa Sitio Yato, Barangay Panobolon.
Sa pagtinguha ni Guimaras Rep. Lucille Nava napunduhan ang proyekto sing 2023 paagi sa Total Electrification Program (TEP) sang Department of Energy.
