May narekord nga 1,692 ka mga kaso sang Dengue, balatian nga dala sang lamok sugod Enero 1 tubtub Abril 18, sunu kay Gobernador Eugenio Jose “Bong” Lacson nga ginreport sang PNV Media Lunes, Abril 28, 2025.
Si Lacson nagsandig sa report sang Negros Occidental provincial health office.
Makabig nga pagduging ang kadamuon sang Dengue kon ipaanggid sa 383 lamang ka mga kaso sing nagligad nga tuig sa kapareho nga kalawigon sang panahon. May 7 ka nagkalamatay bangud sa Dengue, sunu sa report.
Bisan pa, ginapaabot sang gobernador nga naga-amat na buhin ang kadamuon sang Dengue. (pr)
