Ma-umpawan ang ginlipong nga kabuhian sa Kasag ukon ang Blue Swimming Crabs (BSC) diri sa Pilipinas.
Magapadala antes hingapusan sining Septiembre 2026 ang Pilipinas paagi sa Department of Foreign Affairs (DFA) kag Bureau of Fishery and Aquatic Resources (BFAR) sing “pormal nga pangabay” sa Estados Unidos sang Amerika (USA) agud bawion na ang pagdumili, sonu kay Direktor Rene Parreño (in photo) sang BFAR sa Negros.
May balor nga kapin sa Pito ka Bilyon Dolares (US$7 BILYONES) ang benta nga ginakita sang industriya sa Kasag (BSC) kada tuig nga ginabaligya sa Estados Unidos sang Amerika ang nadula sang Pinoy nga manogkasag sing gindumilian ini sang Gobierno Amerikano sumugod Hunyo 11, 2026.
Ginrason sing mga Kano nga sadto pa wala makatuman ang mga Pinoy sa gina-kinahanglan nga pag-amlig sing ginahalungan nga mga Marine Mammals pareho sang “Irrawaddy Dolphins”.
Kapin sa 15,000 ka mga manog-Kasag diri sa Panay, Negros, Palawan kag iban nga lugar sa Pilipinas ang nagakabuhi paagi sini nga palangitan-an.
