WALA KITA NAANAD SANG LIMOS — Transport Manager Halley Alcarde
Dili mahangpan sing mga opisyal, operators, drivers kag mamumugon sang public transportation sector kon nga-a kabudlay gid para sa gobierno ang paghatag sing Duha ka Pisos (P2.00) saka plete nga madugay na nila gina-ayu.
“Kita nga mga Ilonggo naanad sa aton kaugalingon nga paninguha kay bal-an ta nga inang subsidy ukon ayuda (limos) wala gid sing nagakaigu nga padulongan,” siling ni Halley Alcarde, general manager sang Western Visayas Transport Cooperative (WVTC) sa interview ni Tonet Toledo kag Jonavin Villalba, Domingo sing aga, Agusto 9, 2026.
Ang WVTC katapu sang Western Visayas Alliance of Transport Cooperatives and Corporations Inc. (WVATCCI).
Gintodlu ni Alcarde ang parte sa gintugutan nga saka plete sa mga RORO “nga halos nagdoble”. Iya man ginpahayag nga “bisan ang haulers sang amon ginadala diri nga modernized jeeps nagpasaka man sang sukot halin P36,000 kag nian P51,000”.
