Kapin 590 ka panimalay kag pumuloyu ang nag ebakwit gikan sa baybayon nga mga barangay sa kabanwahanan sang Barbaza, Culasi, Libertad, San Jose de Buenavista, Valderrama, kag Tibiao bangud sa katalagman nga dala sang Severe Tropical Storm #OpongPH.
Isa man ka “unscheduled power interruption” ang nagaluntad aga sing Biernes, Septiembre 26, 2025 sa naaminhan nga mga banwa sang Antique nga nag-umid sa Sebaste, Bugasong, Culasi, Tibiao, Barbaza, Laua-an, Valderrama kag parte sang of Patnongon (sa La Rioja asta Mabasa kag nabukid nga mga barangay), sonu sa Antique disaster response office.
SAMTANG, si disaster response officer Broderick Train, nagpanugyan sa mga nagabyahe pakadto Norte nga kabanwahanan sa pagpaiway anay, bangud kay dili nian maagyan ang dalanon sa Igbarawan, Patnongon. Maghulat sa dugang nga aviso.
Sa AKLAN, ginpauntat anay sang Coast Guard station ang tanan nga byahe sakayanon halin Caticlan Port padulong sa Batangas Port, Roxas kag Bulalacao sa Mindoro; Tabon Port padulong sa Sta. Fe kag San Jose sa Romblon kag sa Tambisaan Port sa Manoc-Manoc, Malay; kag Sambiray Port sa Manoc-Manoc samtang sige pa ang Tropical Cyclone Wind Signal No. 2 sa Aklan sining Biernes, Septiembre 26, 2025.
